Zakt in de geute, ik kan mien niet ‘eugn det Zwolle veuran stiet um skeutig te weezn veur Kampen, maar in eens teuveren ze ónderd en zestig ‘uuzn uut een óge óed. Die muttn ’t mogeli’jk maakn um Kampen zovarre te kriegn um Reevedorp te bouwn. De Zwolse road is verdeeld en wil d’r een discussie over. Maar miskien muj wel tussn de regels deur leezn. Want oe veule weerde muj ‘echtn an de woordn van ’t Zwolse VVD roadslid Gerrit vd Kooy, die zeg de woning be óefte old niet op bi’j de gemeentegrens, en dan kump ‘t, “Zwolle en Kampen zijn al bijna één geheel”. ’t Zal toch niet woar weezn dat doar meer achter zit.
Dit weekeinde was ik op een verjoardag en wat mien opviel det ‘t ‘istorisch besef toch diep geworteld zit bi’j de kampenaarn. D’r was een dicussie over de sluting van een antal karrekn, grote zunde, maar wat muj d’r mee was de vroage, Boomkarreke, Buutnkarreke, Burgwalkarreke, Noorderkarreke,’t old niet op, maar zonder det d’r eigenli’jk een antwoord kwam. Eén ding stun vast, ie kunn muuili’jk de Boomkarreke en de Buutn karreke sloopn, dus doar mut een oplossing veur e vunn worrn, doar was iederene ’t over eens. Een oplossing veur de Buutnkarreke werd in ‘t gezelskap breed e draagn, maak d’r een inspirerend centrum van, as ’t kan mut de Kogge d’r in, mooi kort bi’j de Buutn aamt, bouw d’r een exposisie um ene, trekt merakels veule volk, en de Buutn karreke is e red. Wim de Kleine mien buurman op de verjoardag, actief karrekeli’jk betrokkn wist ’t geweldig treffend uut te drukkn “ ’t ene zinkende skip in ’t andere zinkende skip”. jammer um ’t te muttn constateern zeeg ie, maar ’t is de warkeli’jk’eid, ook Kampen ontkump niet an de ontkarrekeling.
En dan ’t drama van de parkeergarage, tot an tweedekamer vroagn toe, eerst de umwonendn die e protesteerd em, umdet ’t markante gebouw van de Oldenhof woar ze woonn achter de betonn kolos verdwient maar die em gien geliek e kreegn, toen ’t sluusien, toevallig ontdekt deur een alerte burger, ik kreeg een meeltien met een foto van Berry Zandbargen det uuteindeli’jk onder ‘t tapijt e veegd is, doarnoa ’t heien wat stille e legd is deur skeurn in de buurte, met zieke warknemers tot gevolg. D’r kump now in ieder geval een diepgravend onderzuuk noa de oorzaak, die denk ik niet zo muuili’jk is want de olde gasfabriek is doar zeker debet an, en woar niemend van kan zeggn, det em we niet e weetn. De nogal ies gebruukte uutspraak van old wet’older Hengeveld “de martelgang van kromme Lindert”, is ‘ier zeker op zien plaase, en woar giet ’t uuteindeli’jk allemoale umme, drie en vijftig extra parkeerplaasn.
Ook de planvorming rond ’t gebied an de overkante van de langebrugge giet niet over roozn, een te grote waterpartij, te weinig parkeerplaasn, en een Zwolseweg die bi’jkans zien functie verliest, de parti’jen die d’r zich mee bezig oaln bin ’t volledig met mekare oneens, en de veurzitter van de OVK Fré Helleman maakt ’t wel arg bont, ei’j vind ’t elemoale waardeloos, maar det is een uutdrukking woar aj niks mee kunn. Jonges maak d’r wat van, een bietien neem en een bietien geem en de skuppe de grond in. En zo ziej maar weer d’r is altied wel wat in disse stad.
Appien Floep
